中西區資訊網

「分享生活樂趣」-- 體驗手作之旅

創造生活樂趣其實好簡單！ 下載報名表格

只要你願意，動一動手，生活樂趣即時擁有！一個人玩手作悶咗啲？咁快啲一齊報名參加啦～費用全免！每位出席工作坊嘅參加者仲會獲發紀念證書!
 活動詳情如下：

工作坊(一)　樹脂水晶膠工藝品
將自己嘅相、畫或設計放到吊咀並唔係難事！
只要學識製作樹脂水晶膠飾物，即可製作屬於你獨一無二嘅水晶膠吊咀！
日期：2012年2月18日(星期六)     時間：上午10時至下午1時

工作坊(二)　圖像移印布袋製作坊
唔識畫畫都玩得？將自己幅相移印到布袋上面？圖像移印可以將各類如相片、報紙、雜誌上嘅圖像移印到小布袋，讓你製作獨一無二嘅移印布袋。
日期：2012年2月19日(星期日)     時間：上午10時至下午1時

工作坊(三)　創意黏土蛋糕
睇得、唔吃得?「的的骰骰」嘅黏土蛋糕絕對同樣吸引！
日期：2012年2月25日(星期六)     時間：下午2時至下午5時

工作坊(四)《慢影文化》-自製針孔相機工作坊 + 社區導賞「拍、拍、拍」
一切只靠光與影，加上你獨特嘅視野，一同捕捉社區光影。
日期：2012年2月26日(星期日)    
工作坊時間：上午10時至下午1時　導賞團時間：下午2時30分至下午5時

工作坊(五)　『花花看世界』- 萬花筒工作坊
膠珠仔＋珠片＋光＝花花世界？萬花筒看似複雜，其實只要你肯動手，色彩繽紛嘅花花世界立刻呈現！
日期：2012年3月3日(星期六)     時間：上午10時至下午1時

工作坊(六)　齊來認識傳統紥作
花燈你可能已經玩過無數次，自己親自紥作燈籠你又試過未？一邊玩一邊認識香港民間傳統手藝
日期：2012年3月4日(星期日)     時間：上午10時至下午1時

工作坊(七)　溫馨紙藤花藝
想喺節日親手造一份禮物送俾親朋好友，「紙藤花藝」絕對係你最好、最溫馨嘅選擇！
日期：2012年3月10日(星期六)     時間：上午10時至下午1時

地點：
工作坊－堅尼地城石山街12號堅尼地城社區綜合大樓11樓活動室
導賞地點－中西區內

費用：全免

報名方法：
可親身到皇后大道中99號中環中心地下5號室中西區民政事務處諮詢服務中心索取報名表格或下載報名表格。詳情可參閱報名表格上的資料。

本活動禁止吸煙，敬請合作

查詢電話：2852 3489 (吳先生) / 2852 3487 (苗小姐)